राज्य सरकारला दोन वर्ष पूर्ण ​ ​होत असल्याच्या  निमित्ताने ‘एबीपी माझा व जनता सहकारी बँक, पुणे यांच्या संयुक्त विद्यमाने ​​ नुकताच ‘माझा महाराष्ट्र-माझं व्हिजन समिट’ हा विशेष कार्यक्रम मुंबई येथे ​संपन्न ​ झाला.

या ​परिषदेस महाराष्ट्राचे मुख्यमंत्री श्री. देवेंद्र फडणवीस ​ यांच्यासह, सहकार, सार्वजनिक बांधकाम व महसूल मंत्री श्री. चंद्रकांत दादा पाटील, अर्थमंत्री सुधीर मुनगंटीवार,  शिक्षणमंत्री विनोद तावडे​, उद्योगमंत्री सुभाष देसाई, काँग्रेसचे ज्येष्ठ नेते व माजी मुख्यमंत्री श्री. नारायण राणे, राष्ट्रवादीचे ज्येष्ठ नेते व माजी अर्थमंत्री श्री. जयंत पाटील आदी मान्यवरांनी महाराष्ट्राच्या विकासाविषयी आपली व्हिजन मांडली व उपस्थित मान्यवरांच्या प्रश्नांना मनमोकळेपणाने उत्तरे दिली.  

या कार्यक्रमात जनता बँकेचे उपाध्यक्ष श्री. संजय लेले यांच्या हस्ते मुख्यमंत्री फडणवीस यांचा सत्कार व स्वागत करण्यात आले. ​

मागील  दोन वर्षात ​राज्य ​ सरकारने राबविलेल्या विविध योजना तसेच पुढील काळातील सरकारचे विकासा ​चे  नियोजन याबाबत मुख्यमंत्री श्री. फडणवीस ​व इतर सर्व मान्यवर मंत्री महोदयांनी विस्तृत ​निवेदन केले, संबंधीत विभागांसह राज्याच्या विकासाविषयीचा आपला दृष्टिकोन विस्ताराने मांडला.

तसेच उपस्थितांनी विचारलेल्या प्रश्नांना उत्तरे दिली.   

अशा प्रकारच्या वेगळ्या कार्यक्रमाच्या पाठिशी जनता सहकारी बँक खंबीरपणे उभी असल्याचा बँकेला अभिमान व आनंद आहे.