समाजातील दुर्बल घटकांच्या आर्थिक गरजा पूर्ण करण्याच्या उद्देशाने १८ ऑक्टोबर १९४९ रोजी जनता सहकारी बँकेची स्थापना झाली. ‘छोट्या लोकांची मोठी बँक’ म्हणून गेल्या सहा दशकांहून अधिक काळ राज्याच्या सहकार क्षेत्रात आपले आगळेवेगळे स्थान निर्माण केलेली बँक म्हणून आज जनता सहकारी बँकेची जनमानसात ओळख आहे.
सन १९८८ मध्ये बँकेला शेड्युल्ड दर्जा प्राप्त झाला तर मार्च २०१२ साली बँक मल्टिस्टेट म्हणून ओळखली जाऊ लागली. सहकार क्षेत्रातील आघाडीची बँक म्हणून जनता सहकारी बँकेने आपला नावलौकिक निर्माण केला आहे. आजमितीस बँकेच्या महाराष्ट्र आणि गुजरात या दोन राज्यात ६७ शाखा कार्यरत असून बँकेची एकूण उलाढाल रुपये १३ हजार २०० कोटी रुपयांपेक्षा अधिक आहे.
या न्यूजलेटरचा संवाद एकतर्फी व्हायला नको यासाठी तुमचा सहभाग त्यात असणे अत्यंत आवश्यक आहे. आजपर्यंतच्या ६७ वर्षांच्या प्रवासात तुमची मोलाची साथ मिळाली, तुम्ही अतुट विश्वारस आमच्यावर दाखविलात आणि आम्हीही नेहमी तुमच्या अपेक्षापुर्तींच्या जवळ जाण्याचाच प्रयत्न केला. पण तरीही आपल्यातील नाते अधिक दृढ करण्यासाठी तुम्ही बँकेकडून तुम्हाला असलेल्या अपेक्षा feedback@janatabankpune.com या मेल आयडीवर पाठवाव्यात. त्या अपेक्षा सर्वतोपरी पूर्ण करण्याचा आम्ही नक्कीच प्रयत्न करू...
|
जनता सहकारी बँकेच्या ६७ व्या वर्धापनदिनाचे औचित्य साधून बँकेच्या ६७व्या शाखेचे हडपसर येथे १८ ऑक्टोबर २०१६ रोजी मोठ्या दिमाखात उद्घाटन झाले. महाराष्ट्राचे सामाजिक न्याय राज्यमंत्री श्री. दिलीप कांबळे व पांडुरंग तथा अण्णासाहेब राऊत यांच्या हस्ते शाखेचा व ‘एटीएम’ केंद्राचा शुभारंभ करण्यात आला. यावेळी बँकेचे अध्यक्ष श्री. अरविंद खळदकर, उपाध्यक्ष श्री. संजय लेले, मुख्य कार्यकारी अधिकारी श्री. जयंत काकतकर व संचालक मंडळ सदस्य उपस्थित होते. आणखी वाचा
|
|
जनता सहकारी बँकेतर्फे ८ व ९ ऑक्टोबर २०१६ रोजी पुण्यातील न्यायमूर्ती रानडे बालक मंदिरात भव्य कार मेळाव्याचे आयोजन करण्यात आले होते. या मेळाव्याच्या माध्यमातून तब्बल ३४ कुटुंबीयांनी आपले स्वत:च्या कारचे स्वप्न साकार केले असून १२६ ग्राहकांना ऑफर लेटरही देण्यात आले आहे. या मेळाव्यात मारूती सुझुकी, ह्युंडाई, स्कोडा, टोयोटा, टाटा, फोक्सवॅगन आदी नामवंत कंपन्यांच्या आलिशान गाड्या सादर करण्यात आल्या होत्या. मेळाव्याच्या ठिकाणी ‘लकी ड्रॉ’ देखील ठेवण्यात आला होता. यामधील भाग्यवान विजेत्यांना बँकेतर्फे विशेष भेट देण्यात आली. |
|
|
Technical Support |
|
E-newsletter Archives | E-newsletter FAQ | Technical Problems जनता बँकेचे ई-न्युजलेटर घेउन येणार आहे आपल्यासाठी उपयुक्त माहितीचा खजिना. ते नियमित मिळण्यासाठी पुढील सूचनेनुसार करा. Don't miss important updates from JSB Pune! Please add janatabankpune.com as a domain in your safe sender list. |